لو انت فاكر ان الكتابة علي برنامج الورد Word باصابع اليد وبس ,,,يبقي انت محتاج تعرف ايه الجديد!

في ظل التطورات التكنولوجية في كافة مجالات الحياة وما يتبعها من سرعة ودقة في الاداء؛بتظهر يوميا تطبيقات وتكنولوجيا حديثة بتسهل علينا امور حياتنا؛

واحد من التطبيقات دي اللي اصبحت لاغني عنها في اي مجال او شركة او مؤسسة او مصلحة حكومية هي برامج (Office) واللي بتختلف استخداماتها في حاجات كتير زي برنامج كتابة المستندات WORD او برنامج العمليات الحسابية والاحصائية EXCEL.......إلخ.

هنتكلم في المقال عن ميزة جديدة تم اضافتها لخصائص برنامج الورد WORD ؛

فلو انت طالب او باحث وبتحتاج البرنامج ده في كتابة ابحاث ورسائل الماجستير والدكتوراة؛

لو انت موظف في مصلحة او شركة او هيئة وبتحتاج تكتب مراسلات ؛

لو انت محامي ومحتاج تكتب مرافعاتك وقضاياك وتحفظها الكتروني؛

لو انت محرر محاضر اجتماعات او مؤتمرات ؛

يبقي محتاج تعرف ان برنامج الورد تم اضافة خاصية جديدة ممكن تسهل عليك لو انت سرعة كتابتك علي الكيبورد KEY BOARD مش سريعة اوووي؛

دلوقتي تقدر تكتب علي برنامج الورد من خلال الصوت!!

من خلال الصوت ؟!

ايوا ياسيدي زي مابقولك كده ؛ بص ياسيدي هتعملها ازاي :-

1- هتدخل علي اي محرك بحث "جوجل مثلا او جوجل بردو مااهو ده اشهر حاجه عندنا" وتكتب في مربع البحث مستندات جوجل "GOOGLE DOCS"؛ هتظهرلك الصفحة دي

2- هتختار من المربع المكتوب فيه "علي المستوي الشخصي" (الانتقال إلي "مستندات جوجل") وبعدين هتفتحلك شاشة فيها المستندات اللي انت استخدمتها قبل كده من خلال تطبيق مستندات جوجل ؛ وعشان تفتح صفحة جديدة زي صفحة الورد بالظبط هتدوس علي علامة + اللي بتظهر علي يسار الشاشة .

3- هتفتح معاك صفحة ورد جديدة هتختار من قائمة "الأدوات" (الكتابة بالصوت) او ممكن بعد ما تفتح صفحة الورد هتكتب الاختصار ده علي طول (Ctrl+shift+s) .

4- بعد ما تختار الكتابة بالصوت هتظهرلك علامة المايك هتغط عليها وهيبتدي البرنامج يحول الصوت إلي كتابة علي الصفحة ؛ وبكده هيوفر معاك وقت وجهد كبير جدا.

التطبيق بيدعم لغات مختلفة بس عشان تستفاد اقصي استفادة وانت بتتكلم عشان تكتب الصوت يكون واضح ونقي ومفيش ضوضاء حواليك ومعدل التحدث يكون مظبوط.

لو الموضوع عجبك ممكن تعمل متابعة للمدونة عشان يظهرلك كل جديد بشاركه ؛

وياسلام لو تشير اللينك لاصدقائك والجروبات عندك؛

دمتم سالمين